8
Главная » 2015 » Август » 26 » Сентябрда окуучулар каалаган кийими менен бара алышат.
17:46
Сентябрда окуучулар каалаган кийими менен бара алышат.

Өкмөт 12-август күнү мектеп формасына бирдиктүү талаптарды киргизип, мектеп формасынын кеӊейтилген стандартын кабыл алды. Былтыркы жылы милдеттүү кийилсин деп киргизилген мектеп формасынын бир түрү, тагыраагы, кочкул кызыл пиджагы бар комплект боюнча буйрук жоюлган. Жаӊы талаптарга ылайык, мектеп формасы бир эле фасон менен түстө эмес. Стандарттардын ичинде кочкул кызыл пиджактуу комплект да бар, бирок мектеп формасын окуу жайдын администрациясы менен ата-энелердин комитети кеӊешип, бир формага токтолгондон кийин сатып алуу керек болот. 
«30-сентябрга чейин окуучуларга мектепке каалаган кийиминде барууга уруксат. Бул мөөнөт ата-энелерге кайсы бир форманын түрүнө токтолуу үчүн берилди. Эӊ оӊою ак көйнөк менен кара пиджак, юбка жана шымды калтырышса болмок. Ага чейин директорлор менен мугалимдерге форма үчүн акча чогултууга жана окуучуларды формасы жок болсо мектепке киргизбей коюуга тыюу салынат. Ушундай окуялар каттала турган болсо, министрлик тиешелүү чара көрөт»,- деди билим берүү жана илим министри Эльвира Сариева.

Категория: Кыргызстан | Просмотров: 556 | Добавил: VIP | Теги: Форма, Кыргызстан | Рейтинг: 0.0/0
Всего комментариев: 0